“Milan” ona 2,8 milyon avro maaş verib, yeni müqavilə bağlayacaq

“Milan” klubu yarımmüdafiəçi Sandro Tonali ilə yeni müqavilə imzalayacaq.

Komanda.az İtaliya mətbuatına istinadən xəbər verir ki, 22 yaşlı futbolçu mövsümdə 2,8 milyon avro məvacib almaq şərti ilə klubla müqaviləsini 2027-ci ilə qədər uzadacaq.

Tonalinin “Milan”la hazırkı müqaviləsi 2026-cı ilə qədərdir.

Futbolçu bu mövsüm Milan klubunun heyətində bütün turnirlərdə 5 oyun keçirib və bir məhsuldar ötürmə edib.

Bizi Telegramda izləyin