“Yuventus”dan əzmkar qələbə

Futbol üzrə İtaliya A Seriyasında 34-cü tura yekun vurulub.

Komanda.az xəbər verir ki, ilk oyun günündə dörd qarşılaşma baş tutub.

Səfərdə “Venesiya” ilə qarşılaşan “Atalanta” inamlı qələbəyə sevinib. “Torino” isə evdə “Spetsiya”nı üstələyib. “Verona” – “Sampdoriya” matçında qalib müəyyənləşməyib. Çempionluq uğrunda mübarizə aparan “İnter” doğma meydanda “Roma” ilə qarşılaşıb. Dörd qolun qeydə alındığı matçda meydan sahibləri inamlı qələbəyə seviniblər.

Bazar günü daha beş qarşılaşma baş tutub. Dörd qolun qeydə alındığı “Bolonya” – “Udineze” matçında qalib müəyyənləşməyib. “Cenoa” isə “Kalyari”ni minimal fərqlə üstələyib.

Səfərdə “Salernitana” ilə qarşılaşan “Fiorentina” məğlubiyyətlə üzləşib. Çempionluq uğrunda mübarizə aparan “Napoli” də “Empoli” ilə səfər matçında gözlənilməz məğlubiyyətə üzülüb. Matçın son 10 dəqiqəsinə qədər 2:0 öndə olan neapollular bu məğlubiyyət nəticəsində çempionluq şanslarını itiriblər.

Lider “Milan” səfərdə “Latsio” ilə üz-üzə gəlib. Erkən qol buraxan milanlılar qalan dəqiqələrdə çətinliklə də olsa, iki qol vurublar və əzmkar qələbə qazanıblar.

“Yuventus”un bu turdakı rəqibi “Sassuolo” olub. Turin təmsilçisi də bu matçdan əzmkar qələbə ilə ayrılıb.

İtaliya A Seriyası, 34-cü tur

23 aprel

Venesiya – Atalanta 1:3
Qol: Çrniqoy, 80 – Paşaliç, 44. Sapata, 47. Muriel, 63.

Torino – Spetsiya 2:1
Qol: Lukiç, 4; 69 – Manaj, 90+7-pen.

İnter – Roma 3:1
Qol: Dumfris, 30. Brozoviç, 40. L.Martines, 52 – Mxitaryan, 85.

Verona – Sampdoriya 1:1
Qol: Kaprari, 78 – Kaputo, 44.

24 aprel

Salernitana – Fiorentina 2:1
Qol: Dyuriç, 9. Bonatsoli, 79 – Saponara, 64.

Bolonya – Udineze 2:2
Qol: Hiki, 6. Sansone, 59 – Udoqi, 25. Saksess, 46.

Empoli – Napoli 3:2
Qol: Henderson, 80. Pinamonti, 83; 88 – Mertens, 44. İnsinye, 53.

Cenoa – Kalyari 1:0
Qol: Badel, 89.

Latsio – Milan 1:2
Qol: İmmobile, 4 – Jiru, 50. Tonali, 90+2.

25 aprel

Sassuolo – Yuventus 1:2
Qol: Raspadori, 39 – Dibala, 45. M.Kin, 88.