“Milan” kimi bir klubdan gələn təklifi rədd edə bilməzdim” – Keçmiş futbolçu

Braziliyalı keçmiş hücumçu Aleşandre Pato karyerasının əvvəlində hansı Avropa klublarından təklif aldığını, həmçinin niyə “Milan”ı seçdiyini açıqlayıb.

Komanda.az “FourFourTwo”-ya istinadən xəbər verir ki, braziliyalı keçmiş futbolçu, “İnternasional”da çox yaxşı çıxış etdiyini bildirib:

“İnternasional”da çox yaxşı çıxış etdim. Əslində, orada çox xoşbəxt idim, ancaq “Milan” kimi bir klubdan gələn təklifi rədd edə bilməzdim.

O vaxt onlar praktiki olaraq dünyanın ən yaxşı komandası idilər: Ronaldo mənim kumirimdir, eləcə də Kaka, Paolo Maldini, Cennaro Qattuzo, Andrea Pirlo, Klarens Zeedorf, Serjinyo, Emerson, Dida… Mən davam edə bilərəm! “Ayaks”, PSV, “Çelsi”, “Barselona” və “Real”dan təkliflər aldım. Lakin mən “Milan”a “bəli” dedim, çünki onlar dünyanın ən güclü komandasıdır”.

Pato karyerasında “İnternasional”, “Milan”, “Korintians”, “Çelsi”, “Vilyarreal”, “Quançao”, “Orlando Siti” və “San Paulo”da çıxış edib. O, İtaliya çempionu, İtaliya superkubokunun qalibi və Klublararası dünya çempionatının qalibi adını qazanıb.