“Milan” İbrahimoviçin əvəzləyicisini “Real”da tapıb

İspaniyanın “Real” klubunun hücumçusu Luka Yoviç karyerasını İtaliyada davam etdirə bilər.

Komanda.az İtaliya mətbuatına istinadən xəbər verir ki, “Milan” 22 yaşlı futbolçunu heyətinə qatmaqda maraqlıdır. “Qırmızı-qaralar” klubla müqaviləsi iyunda bitəcək Zlatan İbrahimoviçin boşluğunu Yoviçlə doldurmaq niyyətindədir. İbrahimoviçin komandada qalacağına inanmayan İtaliya təmsilçisi, Yoviç üçün “Real”la danışıqlara başlamağa hazırdır.

“Real” müqaviləsi 2025-ci ilin iyununda başa çatacaq Yoviçin çıxışından razı deyil. Yoviç cari mövsümdə iştirak etdiyi 24 oyunda 2 qolla yadda qalıb.