İbrahimoviç razılaşmır

“Milan” futbolçusu Zlatan İbrahimoviçlə müqaviləni yeniləmək üçün danışıqları davam etdirir.

Komanda.az xəbər verir ki, tərəflər maliyyə məsələsində razılığa gələ bilmirlər. Bu barədə “La Gazetta dello Sport” nəşri məlumat yayıb.

Xəbərdə, isveçli hücumçunun “Milan”dan illik 7,5 milyon avro istədiyi bildirilir. “Qırmızı-qaralar” isə İbrahimoviçə 5 milyon avro ödəmək niyyətindədir.

İbrahimoviç 2019/20 mövsümündə “Milan”la A Seriyasında 18 oyunda 10 qol vurub və 5 məhsuldar ötürmə edib. 38 yaşlı hücumçunun italyanlarla müqaviləsi ötən ay başa çatıb.