Feliks İtaliya klubuna keçə bilər

“Çelsi”nin hücumçusu Joao Feliks özünü İtaliya çempionatında sınaya bilər.

Komanda.az “Gazzetta dello Sport”-a istinadən xəbər verir ki, portuqaliyalı futbolçu İngiltərə Premyer Liqasında nadir hallarda londonluların əsas heyətinə düşə bilir və bu, mümkün gedişlə bağlı söhbətlərə səbəb olub.

“Milan” “Atletiko”nun 25 yaşlı keçmiş futbolçusunu icarəyə götürməkdə maraqlıdır. Onun keçidi dekabrın sonunda vəzifəyə başlayan İtaliya klubunun yeni baş məşqçisi Serjio Konseysao tərəfindən şəxsən təsdiqlənib.

Feliks, Enzo Mareskanın komandasında 19 oyunda 7 qol vurub və 2 məhsuldar ötürmə edib.