“Milan” “Barselona”nın istədiyi oyunçuya qiymət qoyub

“Milan” rəhbərliyi “Barselona”nın vinger Rafael Leaonu almaq istəyinə cavab verib.

Komanda.az “Gazzetta dello Sport”-a istinadən xəbər verir ki, İtaliya klubu portuqaliyalı futbolçusunu 175 milyon avro dəyərində qiymətləndirib.

Maddi sıxıntı yaşayan “Barselona” bu məbləğin yarısını belə, ödəyə bilmir. İrəli sürülən şərtlərə görə, Leaonun “Barsa”ya keçidi demək olar ki, mümkün deyil. Kataloniyalılar onu Niko Uilyamsa alternativ hesab edirlər.

Leao ötən mövsüm “Milan”ın heyətində 47 oyun keçirib, 15 qol vurub və 14 məhsuldar ötürmə edib.