“Milan” heyətin gücünə görə bacardığından da az iş görmüş komandadır” – Keçmiş futbolçu

“Milan”ın sabiq yarımmüdafiəçisi Massimo Ambrosini komandanın İtaliya A Seriyasının cari mövsümündəki çıxışı ilə bağlı fikirlərini bölüşüb.

Komanda.az xarici KİV-ə istinadən xəbər verir ki, o, bunu deyib:

“Çempionatı müəyyən səviyyədə keçirməli olan komandalar arasında “Milan” heyətin keyfiyyətinə mütənasib olaraq ən çox çətinlik çəkən komandadır. Mənim üçün onlar güclü komandadır. “Milan”da sahib olduqları dəyərə nisbətdə daha az çıxış edən güclü oyunçular var. Məsələn, “Yuventus”un hücumçusu yoxdur, “Milan”da Temmi Abraham və Alvaro Morata var. Komandanın dörd mərkəz müdafiəçisi var. Teo Hernandes və Rafael Leao haqqında da istədiyimiz qədər danışa bilərik. Heyətin gücünə və meydanda göstərdiklərinə görə, bu komanda indiyə qədər çox az, bacardığından da az iş görmüş komandadır”.

Milan klubu keçirilən 14 çempionat oyunundan sonra 22 xal toplayıb və 4-cü pillədən 6 xal geri qalaraq, 7-ci yerdə qərarlaşıb.