“Milan” meksikalı futbolçu üçün danışıqlara başlayır

“Feyenoord”un hücumçusu Santyaqo Ximenez karyerasını İtaliya A Seriyasında davam etdirə bilər.

Komanda.az “calciomercato”-ya istinadən xəbər verir ki, “Milan” meksikalı oyunçuya görə dəqiq tələblərini öyrənmək üçün yaxın bir neçə saat ərzində “Feyenoord”la danışıqlara başlayacaq.

Daha əvvəl Niderland klubunun 23 yaşlı futbolçu üçün 40 milyon avroluq təklifi nəzərdən keçirməyə hazır olduğu bildirilirdi.

“Milan”ın artıq Ximenezin özü ilə ilkin razılığı var.

O, bu mövsüm bütün turnirlərdə 17 oyun keçirib, 13 qol vurub və 3 məhsuldar ötürmə edib.