“Milan” 35 milyon avroluq transferi yekunlaşdırır

İtaliyanın “Breşiya” klubunun futbolçusu Sandro Tonali A Seriyasında klub dəyişməyə yaxındır.

Komanda.az İtaliya mətbuatına istinadən xəbər verir ki, “Milan” 20 yaşlı futbolçunu heyətinə qatmağa hazırlaşır. Tonalinin bu gün Milana gedərək, tibbi müayinədən keçəcəyi, ardınca rəsmi müqaviləyə imza atacağı bildirilir.

“Milan”ın bu transfer üçün qarşı tərəfə ümumilikdə 35 milyon avro ödəyəcəyi gözlənilir.

“Breşiya”nın yetirməsi olan Tonalinin klubla müqaviləsi 2022-ci ilin yazında başa çatır.