Gürcü futbolçu meydandan çıxarkən baş məşqçinin əlini sıxmadı

“Napoli”nin vingeri Xviça Kvaratsxeliya Çempionlar Liqasının 1/8 final mərhələsinin “Barselona” ilə ilk oyununda (1:1) əvəzlənməsinə əsəbiləşib.

Komanda.az “Football İtalia”-ya istinadən xəbər verir ki, gürcüstanlı futbolçu 68-ci dəqiqədə meydanı tərk edib.

Kvaratsxeliya belə erkən əvəzlənməyinə təəccüblənib. Buna görə o, baş məşqçi Françesko Kalzonenin əlini sıxmayıb. 

Kvaratsxeliya 2022-ci ilin yayından “Napoli”də çıxış edir. O, bu mövsüm bütün yarışlarda 33 oyuna çıxıb, 6 qol vurub və 4 məhsuldar ötürmə verib.