“Messinin ən yaxşı seçilməsi normal haldır, çünki…”

Argentina millisinin baş məşqçisi Lionel Skaloni “Barselona”nın futbolçusu Lionel Messi ilə bağlı açıqlama verib.

Komanda.az xarici mətbuata istinadən xəbər verir ki, bir neçə gün əvvəl ilin ən yaxşı futbolçusu seçilən argentinalı hücumçu haqqında danışan Skaloni, bunları deyib:

“Messinin ən yaxşı seçilməsi normal haldır, çünki o, həqiqətən belədir. O, istədiyi müddətə qədər dünyanın ən yaxşısı olmağa davam edəcək. Messi bunun üçün lazım olan bütün keyfiyyətlərə sahibdir. O, sehirli bir futbolçudur. Nə qədər ki, onun oyunundan zövq ala bilirik, hər kəsin onu qiymətləndirməsi yaxşı olardı. Onun kimi başqa bir futbolçu olmayacaq”.