Messinin qolu “İnter Mayami”yə qələbə qazandırdı

Şimali Amerika Liqa kubokunun ilk turunun “İnter Mayami” – “Krus Asul” matçı başa çatıb.

Komanda.az xəbər verir ki, Fort Lauderdeyldəki (ABŞ) “İnter Mayami” stadionunda keçirilən görüş meydan sahiblərinin 2:1 hesablı qələbəsi ilə yekunlaşıb.

Hesabı 44-cü dəqiqədə “İnter”in yarımmüdafiəçisi Robert Teylor açıb. 65-ci dəqiqədə qonaqların yarımmüdafiəçisi Uriel Antuna tabloda hesabı bərabərləşdirib. Qələbə qolunu 94-cü dəqiqədə rəqib qapısına argentinalı hücumçu Lionel Messi vurub. O, cərimə zərbəsini dəqiqliklə yerinə yetirib.

Bu, argentinalı üçün yeni komandadakı debüt matçı olub. O, 54-cü dəqiqədə yarımmüdafiəçi Benjamin Kremaskini əvəzləyərək meydana çıxıb.