“Messinin “Barselona”dakı gələcəyi Suaresə də təsir edəcək”

“Barselona”dakı gələcəyi müzakirə edilən Luis Suaresin agenti Alexandro Balbi açıqlama verib.

Komanda.az “TyC Sports”a istinadən xəbər verir ki, menecer, uruqvaylı futbolçunun Kataloniya klubundan ayrılmasını istisna etməyib:

“Lionel Messinin komandadakı gələcəyi Suaresə də təsir edəcək. Onlar dostdurlar. Messi ilə Suares qardaş kimidirlər, hər zaman birlikdədirlər. Həm meydanda, həm də meydandan kənarda bir-birlərini yaxşı başa düşürlər. Suares dünya futbolunda mükəmməl bir futbolçu olduğu üçün hər tərəfdən təkliflər gəlir. Bu məsələdə idmanla əlaqəli olmayan arxa plan var. Suaresin ailəsi Barselonada yaşayır, onun bu məsələni ailəsi ilə həll etməsi lazımdır”.