Messi ilin ən yaxşı gənc futbolçusu sorğusunda kimlərə səs verib?

“İnter Mayami”nin hücumçusu Lionel Messinin ilin ən yaxşı gənc futbolçusu adına kimlərə səs verdiyinə dair məlumatlar dərc edilib.

Mükafatı “Real”ın yarımmüdafiəçisi Çud Bellingem qazanıb. Komanda.az xarici KİV-ə istinadən xəbər verir ki, Messi ingilis futbolçunu üçüncü yerə qoyub. O, “Barselona”dan Pedrini ikinci, “Bayern”dən Camal Musialanı isə birinci yerdə göstərib.

Bellingem bu yay 103 milyon avroya “Borussiya”dan “Real”a keçib. Yarımmüdafiəçi bu mövsüm Madrid klubunda 13 oyun keçirib, 13 qol vurub və 3 məhsuldar ötürmə edib.