Messinin durumuna aydınlıq gəldi

“Barselona” Çempionlar Liqasının 1/4 final mərhələsinin ilk oyununda “Mançester Yunayted”i 1:0 hesabıyla məğlub edib.

Komanda.az xəbər verir ki, sözügedən qarşılaşmada Lionel Messi burnundan zədə alıb. Bu barədə İspaniya mətbuatı məlumat yayıb. Matçın ilk hissəsində Kris Smollinqlə mübarizədə zərbə alan Messinin, burnunda çat olması ehtimal olunur. Argentinalı futbolçunun bu gün tibbi müayinədən keçəcəyi bildirilir.

Bu səbəbdən Messinin La Liqanın 32-ci turunda “Hueska” ilə keçirilən matçda iştirakı sual altındadır. Argentinalı hücumçu “Barselona”nın “Mançester Yunayted”lə qarşılaşacağı cavab oyununa isə hazır olacaq.

“Barselona” – “Mançester Yunayted” matçı aprelin 16-da, saat 23:00-da start götürəcək.