“Messinin bu həvəsi uzun müddət yaşamağa davam edəcək”

İspaniyanın “Barselona” klubunun texniki meneceri Erik Abidal “qızıl top” mükafatını qazanan Lionel Messi ilə bağlı açıqlama verib.

Komanda.az İspaniya mətbuatına istinadən xəbər verir ki, argentinalı hücumçunun 6-cı dəfə bu mükafatı qazanması haqqında danışan klub rəsmisi, bunları deyib:

“Messinin etdikləri eksklüzivdir. O, “Barselona”da çıxış etdiyi üçün sadəcə sevinirik. “Barselona”nın futbolçuları ümumilikdə 12 dəfə “qızıl top”a sahib çıxıblar, bunun da yarısını Messi qazanıb. O, əsl peşəkardır. Düşünürəm ki, elə bu səbəbdən də, fərdi mükafatlar qazanmağa davam edəcək. Lionel futbol üçün müəyyən bir yaşa çatdığını etiraf edib, amma eyni zamanda daha bir neçə il çıxış etmək istədiyini də bildirib. Ümid edirəm ki, Messinin bu həvəsi uzun müddət yaşamağa davam edəcək”.