Messidən Setyenə məsləhət: Onu alın!

İspaniyanın “Barselona” klubunun hücumçusu Lionel Messi Argentina millisindəki komanda yoldaşının transfer olunmasını istəyir.

Komanda.az İngiltərə mətbuatına istinadən xəbər verir ki, argentinalı futbolçu, “Mançester Siti”nin hücumçusu Serxio Aqueronun Kataloniya klubuna gəlməsini istəyib. Komandanın yeni baş məşqçisi Kike Setyenlə danışan Messi, zədə səbəbiylə dörd ay oynaya bilməyəcək Luis Suaresin boşluğunun Aquero ilə doldurulmasını məsləhət görüb. O, Suaresə ən yaxşı əvəzləyicinin “Mançester Siti”li futbolçunun olduğuna inandığını bildirib.

2011-ci ildən “Mançester Siti”nin şərəfini qoruyan Aqueronun klubla müqaviləsi 2021-ci ilin iyulunadək nəzərdə tutulub.