“Haland Messi və Ronaldoya çata bilən yeganə şəxsdir” – Rodri

“Mançester Siti”nin yarımmüdafiəçisi Rodri komandanın hücumçusu Erlinq Halandı Kriştiano Ronaldo və Lionel Messi səviyyəsinə yaxınlaşa bilən yeganə oyunçu hesab edir.

Komanda.az “Cadena Ser”-ə istinadən xəbər verir ki, ispaniyalı futbolçu, Halandın Messi və ya Ronaldo səviyyəsinə yaxınlaşa bilən yeganə şəxs olduğunu bildirib:

“İndi mənim üçün obyektiv səviyyədə Ronaldo və ya Messi səviyyəsinə yaxınlaşa bilən Erlinq Halanddır. O, onlara çata bilən yeganə şəxsdir. Onun qol vurmaqda bacarığının olduğu aydındır. Bəlkə də, “təmiz” forvard olduğu üçün driblinqdə üstünlüyü yoxdur, amma rəqəmlərə baxsaq, ən yaxını odur. O, üç uğursuz qarşılaşma keçirə bilər, amma eyni şeyi etməyə davam edir və siz onun qol vurmağa başlayacağını görəcəksiz”.