“Messi və Ronaldo bütün zamanların ən böyük futbolçularıdır”

Birləşmiş Ərəb Əmirliklərinin “Əl-Şarja” klubunun yarımmüdafiəçisi Miralem Pyaniç argentinalı hücumçu Lionel Messi və portuqaliyalı futbolçu Kriştiano Ronaldo haqda fikirlərini bildirib.

Komanda.az xarici KİV-ə istinadən xəbər verir ki, o, hər iki futbolçunun gələcək nəsillər üçün nümunə olduğunu deyib:

“Hansının daha yaxşı olduğunu seçmək çətindir. Hər ikisi ilə oynamaq mənə qismət oldu. Onların hər ikisi bütün zamanların ən böyük futbolçularıdır və gənc nəsillər üçün nümunədir”.

Ronaldo “Əl-Nəsr”də Səudiyyə Ərəbistanı çempionatında çıxış edir. Messi MLS-də “İnter Mayami”də forma geyinir.