“Messi-Mbappe-Messi kombinasiyası qeyri-adidir”

PSJ-nin baş məşqçisi Kristof Qalte Fransa çempionatının 12-ci turunda “Ajaçço” ilə oyundan (3:0) sonra hücumçular Kilian Mbappe və Lionel Messidən razı qalıb.

Komanda.az Fransa mətbuatına istinadən xəbər verir ki, baş məşqçi futbolçular arasında əlaqənin yaxşı olduğunu deyib:

“Messi-Mbappe-Messi kombinasiyası qeyri-adidir. Aralarındakı əlaqə çox yaxşıdır. Bu, komandaya və şəxsən onlara kömək edir. Onlar qola ehtiyacı olan futbolçulardır”.

PSJ Liqa 1-də cari mövsümdə 10-cu qələbəsini qazanıb. Komanda turnir cədvəlində birinci yerdədir (32 xal).