Messi, Suares və Neymar eyni klubda çıxış edəcək? – Açıqlama

“Barselona”nın sabiq forvardı Luis Suares keçmiş komanda yoldaşları – Lionel Messi və Neymar haqda danışıb.

Komanda.az “Talk”-a istinadən xəbər verir ki, uruqvaylı futbolçu, Messi və Neymarla karyeralarını eyni klubda bitirməklə bağlı razılıq əldə etdiyini açıqlayıb:

“Bu məsələ ilə bağlı ortaq qərar vermişik. Ümid edirik ki, karyeramızın son günlərini eyni klubda keçirəcəyik.

Futboldan həzz almaq, istədiyimiz kimi oynamaq və karyeramızı birlikdə sona çatdırmaq istəyirik. Neymar haqda dəqiq fikir bildirə bilməsəm də, Messi ilə mən mütləq birlikdə oynayacağıq”.

36 yaşlı futbolçu hazırda Braziliya klubu “Qremio”da çıxış edir. Öncədən o, komandasından razı olduğunu və ABŞ təmsilçisi “İnter Mayami”yə keçməyəcəyini bildirib.

Xatırladaq ki, Messi iyunun 7-də “İnter Mayami”yə keçdiyini elan edib.