“Messi sanki başqa bir planetdəndir”

“Barselona”nın sabiq futbolçusu Xavyer Maskerano Kataloniya klubunun hücumçusu Lionel Messi ilə bağlı açıqlama verib.

Komanda.az İspaniya mətbuatına istinadən xəbər verir ki, Argentina millisinin sabiq üzvü, Messi ilə bağlı bunları deyib:

“Futbolda qərar vermək, qərarı icra etmək çox vacibdir. Bir çox futbolçu yaxşı qərar verə bilir, amma meydanda istədiyini göstərə bilmir. Messi isə digərlərindən fərqli olaraq, hər ikisini yüksək səviyyədə bacarır. Messi çox fərqli futbolçudur. O, oyuna necə nəzarət edəcəyini, eyni zamanda, necə idarə etməyi də bilir. Messi sanki başqa bir planetdəndir”.