“Messi belə səhvləri bağışlamır” – Meksikanın baş məşqçisi

Meksika yığmasının baş məşqçisi Xerardo Martino DÇ-2022-nin ikinci turunun Argentina millisi ilə matçı (2:0) haqda danışıb.

Komanda.az AS nəşrinə istinadən xəbər verir ki, o, qrupdan çıxmaq üçün mübarizə aparacaqlarını bildirib:

“Qrupdan çıxmaq üçün mübarizə aparacağıq. Biz də qollar vurmalıyıq. Asan olmayacaq. Polşanın Səudiyyə Ərəbistanına vurduğu ikinci qol vəziyyəti daha da pisləşdirdi”.

Martino buraxılan ilk qol zamanı səhvə yol verdiklərini deyib:

“İlk qolda səhvə yol verdik. Lionel Messi isə belə səhvləri belə bağışlamır. O, çox vacib qola imza atdı”.