“Messi ilə karyeramızı birlikdə bitirməyi xəyal edirik” – Suares

Uruqvaylı hücumçu Luis Suares bildirib ki, Lionel Messi ilə karyeralarını eyni komandada bitirmək arzusundadır.

Komanda.az xarici KİV-ə istinadən xəbər verir ki, Suares, Messinin ABŞ-da xoşbəxt göründüyünü bildirib:

“Messi ilə karyeramızı birlikdə bitirməyi xəyal edirik. “Barselona”da oynayarkən, biz bunu artıq planlaşdırmışdıq. Sonra mən “Atletiko”ya, o da PSJ-yə keçdi.

“Barselona”dan sonra ABŞ-a gedəcəyimizi xəyal edirdik, amma bu baş vermədi. İndi o, ora getməyə qərar verib. Gördüyünüz kimi, Messi xoşbəxt görünür. Ümid edirik ki, nə vaxtsa bir klubda oynamaq fürsəti hələ də yaranacaq”.

Suares bu yay Messinin formasını geyindiyi “İnter Mayami”yə keçə bilərdi, lakin transferi alınmadı.