Messini ən çox əsəbiləşdirən futbolçu

Argentina millisinin və “İnter Mayami”nin hücumçusu Lionel Messi matçlar zamanı ən çox əsəbiləşdiyi futbolçunun adını çəkib.

Komanda.az AS-a istinadən xəbər verir ki, 36 yaşlı futbolçu ən çox əsəbiləşdiyi oyunçunun Serxio Ramos olduğunu bildirib:

“Serxio Ramosla bir çox münaqişəli vəziyyətlərim olub. O, ən çox əsəbiləşdiyim oyunçudur. Ancaq bir müddət sonra biz komanda yoldaşı olduq, baxmayaraq ki, “el klasiko” zamanı davamlı mübarizə aparırdıq. Bu qarşıdurmalar çox gərgin keçirdi”.

Messi uzun müddət “Barselona”da çıxış edib, ispaniyalı müdafiəçi isə “Real”ın rənglərini qoruyub. Daha sonra isə hər iki futbolçu PSJ-də birgə çıxış edib.