Messi DÇ-2026-da iştirak edəcək? – Açıqlama

Argentina millisinin baş məşqçisi Lionel Skaloni “The Best” mükafatının qalibi Lionel Messi haqda danışıb.

Komanda.az “Football Espana”-ya istinadən xəbər verir ki, o, argentinalı hücumçunun milli komandadakı gələcəyi ilə bağlı fikirlərini bildirib:

“Milli komandanın qapısı həmişə Messinin üzünə açıqdır. Ümid edirəm ki, o, növbəti dünya çempionatında da bizimlə olacaq. Onu həmin heyətdə görürəm. Lakin ilk iş DÇ-2026-ya vəsiqəni təmin etməkdir”.

DÇ-2022-də Messi Argentina milli komandası ilə çempionluq yaşayıb. O, həmin turnirdə 7 qol vurub və 3 məhsuldar ötürmə edib.