Messi: “Bunu bacaracağımıza şübhəm yoxdur”

Argentina millisinin üzvü Lionel Messi Amerika kubokunun 2-ci turunda Paraqvay yığması ilə qollu bərabərə qaldıqları oyundan (1:1) sonra fikirlərini bildirib.

Komanda.az xarici mətbuata istinadən xəbər verir ki, Messi, turnirdə yollarına davam edəcəklərinə inandığını deyib:

“Açığı, istədiyimiz nəticəyə nail ola bilmədiyimiz üçün çox məyusuq. Turnirin çətin keçəcəyini bilirdik. Paraqvayla oyun bizim üçün vacib idi, ancaq qazana bilmədik. Növbəti matçımız bizim üçün çox əhəmiyyətlidir, ölüm-qalım oyunudur. İnanıram ki, lazım olan nəticəni qazanıb, turnirdə yolumuza davam edəcəyik. Bunu bacaracağımıza şübhəm yoxdur”.

Argentina millisi Amerika kubokunda 2 turdan sonra B qrupunda 1 xalla sonuncu sıradadır. Bu komanda 3-cü turda Qətər yığması ilə qarşılaşacaq.