Pike: “Messi bizim planetdən deyil”

“Barselona”nın və İspaniya millisinin sabiq futbolçusu Jerar Pike “İnter Mayami”nin hücumçusu Lionel Messi haqda fikirlərini bildirib.

Komanda.az xarici KİV-ə istinadən xəbər verir ki, o, argentinalı futbolçu haqda bunu deyib:

“Messi həmişə digər oyunçulardan fərqlənib. Kriştiano Ronaldo çox yaxşıdır, amma Messi “yadplanetli”dir. O, bizim planetdən deyil. Mən onun məşqinə baxdım, Messi inanılmaz işlər görür. Heç vaxt belə sürətli düşünən ikinci oyunçu olmayacaq”.

Messi “Barselona”nın məzunudur. 37 yaşlı hücumçu 2023-cü ilin yayından ABŞ-ın “İnter Mayami” klubunda çıxış edir.