Messi: “Biz hər kəslə oynamağa hazırıq”

Argentina millisinin hücumçusu Lionel Messi Finalissimada İtaliya üzərində qazanılan qələbəni (3:0) şərh edib.

Komanda.az UEFA-nın rəsmi saytına istinadən xəbər verir ki, PSJ-nin futbolçusu hər bir rəqiblə oynamağa hazır olduqlarını bildirib:

“Biz hər kəslə oynamağa hazırıq. Bu gün yaxşı oyun keçirdik. İtaliya millisi böyük komandadır. Oyunun yaxşı keçəcəyini bilirdik və belə mühitdə çempion olmaq çox xoşdur. Möhtəşəm final oldu. Stadion argentinalılarla dolu idi. Bu, gözəl idi”.