“Barselona” ilə vida matçı baş tutsa…” – Messi

“İnter Mayami”nin hücumçusu Lionel Messi “Barselona” ilə vida matçının keçirilməsi ehtimalını şərh edib.

Komanda.az ESPN-ə istinadən xəbər verir ki, o, Kataloniya klubundan fərqli şəkildə ayrıla bilmək istədiyini söyləyib:

“İnsanlarla başqa cür vidalaşa bilmək istərdim. Gedərkən qəribə bir hiss keçirdim. Paylaşdığımız və birlikdə yaşadığımız hər şeyi nəzərə alsaq, yaxşı deyildi. Mən vidalaşmaq şansına layiqəm. “Barselona” mənim evimdir, bu klubu sevirəm. Vida matçı baş tutsa, mən məmnuniyyətlə orada iştirak edəcəm”.

Oktyabrın 30-da Fransanın “France Football” nəşrinin versiyasına görə, ötən mövsümün ən yaxşı futbolçusuna mükafatın təqdim edilməsi mərasimi keçirilib. Səsvermənin nəticələrinə görə, Lionel Messi karyerasında səkkizinci dəfə “qızıl top”a layiq görülüb.