“Avropa futboluna geri dönəcəyimi düşünmürəm” – Messi

“İnter Mayami”nin hücumçusu Lionel Messi Avropa futboluna mümkün qayıdışı ilə bağlı sualı cavablandırıb.

Komanda.az “Ekip” nəşrinə istinadən xəbər verir ki, argentinalı futbolçu arzuladığı hər şeyi qazandığını bildirib:

“Avropa futbolu mənim üçün bağlıdır? Bəli. Allaha şükür ki, Avropada görkəmli karyeram olub və arzuladığım hər şeyi qazandım. İndi ABŞ-a gəlməyə qərar verdiyim üçün Avropa futboluna geri dönəcəyimi düşünmürəm”

Messi 2004-2021-ci illərdə “Barselona”da çıxış edib, sonra PSJ-yə keçib. 2023-cü ilin yayında 36 yaşlı oyunçu “İnter Mayami”yə üz tutub.