Messi Amerikada nəyə təəccüblənib?

“İnter Mayami”nin hücumçusu Lionel Messi ABŞ-a köçdükdən sonra orada nəyə təəccübləndiyindən danışıb.

Komanda.az “News Hub”-a istinadən xəbər verir ki, argentinalı futbolçu ABŞ-da futbol ehtirasının yüksək olduğunu bildirib:

“Burada futbol ehtirası çoxdur, bu, mənim üçün sürpriz oldu. Burada basketbolun, beyzbolun və amerikan futbolunun nə qədər məşhur olduğunu bilirdim, amma futbola belə münasibət haqda eşitməmişdim. Ona görə də, çox təəccübləndim. MLS rəqabətli bir liqadır. Hər komanda evdə güclüdür, ona görə də, səfərdə oynamaq asan deyil”.

37 yaşlı forvardın “İnter Mayami” ilə müqaviləsi 2025-ci ilin sonuna qədər nəzərdə tutulub. O, hazırkı komandasına 2023-cü ilin yayında PSJ-dən azad agent kimi keçib.