Melo Messi haqda: “O, yəqin ki, tarixin ən yaxşı futbolçusudur”

“Yuventus”un yarımmüdafiəçisi Artur Melo keçmiş komanda yoldaşı Lionel Messi haqda danışıb.

Komanda.az “Mundo Deportivo”-ya istinadən xəbər verir ki, o, argentinalı forvardın futbola baxışından söz açıb:

“Messi fərqli oyunçudur. O, yəqin ki, tarixin ən yaxşı futbolçusudur. Ən azı ilk üçlükdə qərarlaşıb. Onunla oynamaq, paltardəyişmə otağında sevincli anları bölüşmək üçün yaxşı fürsətlərim olub.

Lionel çox təmkinli və mehribandır. Futbola baxışı və oyun üslubu inanılmazdır”.

Artur Melo 2016-2018, Messi isə 2004-2021-ci illərdə Kataloniya klubunda çıxış edib. Melo La Liqa təmsilçisinin heyətində 72 oyuna çıxıb, dörd qol vurub və altı məhsuldar ötürmə edib.