Mbappe vida yeməyi təşkil etdi

PSJ-nin hücumçusu Kilian Mbappe Parisin mərkəzində vida yeməyi təşkil edib.

Komanda.az xarici KİV-ə istinadən xəbər verir ki, dəvətlilər arasında Fransa prezidenti Emmanuel Makron, futbolçunun komanda yoldaşları, PSJ-nin əməkdaşları və ailələri ilə yanaşı, Mbappenin dostları, qohumları da olub.

Tədbir Parisin mərkəzində, Eyfel qülləsinə baxan bir restoranda keçirilib.

Mbappe mayın 10-da bu mövsümün sonunda azad agent kimi PSJ-dən ayrılacağını açıqlayıb.

25 yaşlı futbolçu 2017-ci ildən PSJ-də çıxış edir. O, bütün yarışlarda 307 oyun keçirib, 256 qol vurub və 108 məhsuldar ötürmə edib.