Mbappe klub prezidentinə söz verib

“Real”ın prezidenti Florentino Peres komandaya yeni gələn Kilian Mbappe ilə söhbət edib.

Komanda.az xəbər verir ki, bu barədə “Marca” nəşri məlumat yayıb.

Fransalı forvard klub rəhbərinə performansını yaxşılaşdıracağına söz verib. O, daha çox qol vurmaq və matçların nəticəsini həll etmək niyyətindədir.

Mbappe “kral klubu”nun sıralarına 2024-cü ilin yayında, PSJ-dən azad agent kimi keçib. 26 yaşlı futbolçu mövsümün ilk hissəsində “Real”ın heyətində 23 matçda iştirak edib, 13 qol vurub və 3 məhsuldar ötürmə verib. Onun klubla müqaviləsi 2029-cu ilin yayına kimi nəzərdə tutulub.