Mbappenin “Real”da məşqlərə nə vaxt başlayacağı bilindi

“Real”ın hücumçusu Kilian Mbappe yeni komandası ilə məşqlərə nə vaxt başlayacağına qərar verib.

Komanda.az “Diario AS”-a istinadən xəbər verir ki, fransalı futbolçu avqustun 8-də məşqlərə başlayacaq. Bu tarixə qədər Mbappenin hələ də “kral klubu”na yeni gələn kimi təqdim ediləcəyi bildirilir.

25 yaşlı forvard müayinədən keçəcək və onun burnundan əməliyyat olunub-olunmayacağı bilinəcək.

O, “kral klubu”na azad agent kimi keçib. Mbappenin PSJ ilə müqaviləsi daha əvvəl başa çatmışdı.

Mbappe Avropa çempionatında penaltidən bir qol vurmağı bacarıb və onun komandası turnirin yarımfinalında İspaniya millisinə məğlub olaraq, mübarizəni dayandırıb. Futbolçu AÇ-2024-də burnundan zədə alıb.