“Mbappe “Real”a nə vaxt keçəcək? – Klub prezidenti açıqladı

“Real”ın prezidenti Florentino Peres PSJ-nin hücumçusu Kilian Mbappenin Madrid klubuna nə vaxt keçəcəyini açıqlayıb.

Komanda.az xəbər verir ki, sosial şəbəkədə bir azarkeşin Mbappenin transferi ilə bağlı sualla Peresə müraciət etdiyi video yayılıb.

“Mbappe ilə müqavilə imzalayacağıq, amma bu il yox” – deyə, “Real”ın prezidenti cavab verib.

Mbappe 2022-ci ildə “Real”a keçə bilərdi, lakin son anda PSJ ilə müqaviləsini uzatdı.

Daha əvvəl bildirilmişdi ki, 24 yaşlı fransalı forvard parislilərlə 2024/25 mövsümü üçün müqavilənin uzadılması variantını aktivləşdirməyib və bu, ona 2024-cü ildə azad agent olmaq imkanı verəcək.

Mbappe bu mövsüm PSJ-nin heyətində bütün turnirlərdə 43 oyuna çıxıb, 41 qol vurub, 10 məhsuldar ötürmə edib. .