“Messi gələndə Mbappe qısqanmağa başladı”

PSJ-nin sabiq hücumçusu Neymar Kilian Mbappe ilə münasibətindən danışıb.

Ümumiyyətlə, qəbul olunur ki, braziliyalı və fransalı futbolçular Paris klubunda birlikdə oynadıqları müddətdə anlaşa bilmirdilər.

Komanda.az “AlbicelesteTalk”-a istinadən xəbər verir ki, “Əl-Hilal”ın forvardı həqiqətən də fikir ayrılıqlarının olduğunu təsdiqləyib:

“Mbappe ilə bəzi problemlərim var idi. Əvvəlcə hər şey qaydasında olsa da, bir az mübahisə etdik. O, mənim evimə gəldi və biz birlikdə nahar etdik. Ancaq sonra Lionel Messi gələndə Kilian qısqanmağa başladı, o, hər şeyi öz üzərinə götürdü. O vaxt mübahisələr başladı”.

Neymar 2017-2023-cü illərdə PSJ-də çıxış edib. Mbappe 2024-cü ilin yayında parislilərdən ayrılaraq “Real”a, Messi isə bir il əvvəl “İnter Mayami”yə keçib.