Mbappe ilə PSJ prezidenti arasındakı qarşıdurmanın səbəbi məlum oldu

Ötən mövsümün mayında keçirilən Fransa çempionatının PSJ – “Tuluza” (1:3) matçı zamanı Kilian Mbappe ilə paytaxt klubunun prezidenti Nasser Əl-Xələfi arasında toqquşma olduğu barədə məlumat yayılmışdı.

Komanda.az “Ekip”-ə istinadən xəbər verir ki, oyundan əvvəl Nasser Əl-Xələfi Kilian Mbappe ilə soyuq münasibət fonunda baş məşqçi Luis Enrikeni forvardın kiçik qardaşı Etan Mbappeni oyunun ərizəsinə daxil etməməyə çağırıb. Mbappe qardaşını paltardəyişmə otağında göz yaşları içində görüb. Bu an o, vəziyyəti anlamayıb və klub rəhbəri ilə münaqişəyə girib.

25 yaşlı forvard bu ilin yayında PSJ-dən azad agent kimi “Real”a keçib.