“Mbappe ilə “Everton”un əksər oyunlarını izləyirdik”

“Everton”un yarımmüdafiəçisi İdrissa Geye PSJ-nin hücumçusu Kilian Mbappe ilə birlikdə 2021/2022 mövsümü ərzində bu klubun matçlarını izlədiklərini bildirib.

Komanda.az “The Mirror”-a istinadən xəbər verir ki, seneqallı futbolçu, Mbappe ilə yanaşı, həmin vaxt PSJ-də oynamış digər oyunçuların da İngiltərə klubunun çıxışını maraqla izlədiyini deyib:

“Bəli, Mbappe ilə həmin mövsüm demək olar ki, “Everton”un əksər oyunlarını izləyirdik. O özü də bu komandanın oyununa baxmağı sevirdi. Kiliana “Everton”a getməsini dedim, amma o, məni dinləmədi. Bəzən Yulian Draksler də “Everton”un oyunlarını maraqla izləyirdi”.

34 yaşlı futbolçu 2016-2019-cu illərdə “Everton”da oynadıqdan sonra PSJ-yə keçib. 2022-ci ildə isə o, yenidən sabiq komandasına qayıdıb.