Mbappe: “Hər matçda daha yaxşı olmaq istəyirəm”

“Real”ın hücumçusu Kilian Mbappe komandadakı mövqeyi ilə bağlı fikirlərini bölüşüb. Komandanın məşqçilər heyəti ondan hücumun mərkəzində istifadə edir.

Komanda.az “Marca”-ya istinadən xəbər verir ki, fransalı futbolçu hər matçda daha yaxşı olmaq istədiyini bildirib:

“Təqdimat günü dedim ki, hücumda üç mövqedə oynaya bilərəm. Bu, heç də indi düşündüyüm məqam deyil. Hər matçda daha yaxşı olmaq istəyirəm”.

Mbappe İspaniya çempionatının “Betis”lə son oyununda dubla imza atıb.

25 yaşlı forvard yay transfer pəncərəsində azad agent kimi Madrid nəhənginə qoşulub. O, “Real”la 5 illik müqavilə imzalayıb.