Mbappe: “Futbol oynadığım üçün yaxşı maaş alıram”

“Real”ın yeni forvardı Kilian Mbappe futboldan əldə etdiyi gəlirdən danışıb.

Komanda.az xəbər verir ki, fransalı hücumçu bu barədə “RMC Sport”-a açıqlama verib:

“İndi meydançaya çıxıb futbol oynadığım üçün yaxşı maaş alıram. Kimlərsə bu zaman fabrikə gedir, orada çox çətin iş görür. Ona görə də, dünyada daha pis və daha çətin işlərin olduğunu bildiyim halda şikayət edə bilmərəm”.

Mbappe azad agent kimi “kral klubu”na keçib. 25 yaşlı futbolçu İspaniya çempionu ilə 5 illik müqavilə imzalayıb. Hücumçu buna qədər vətənində – 7 il PSJ-də çıxış edib.