Mbappe DÇ-2022-nin finalından sonra Messi ilə nə danışıb?

Fransa millisinin və PSJ-nin hücumçusu Kilian Mbappe Qətərdə keçirilən dünya çempionatının final oyunundan sonra komanda yoldaşı və Argentina yığmasının kapitanı Lionel Messi ilə danışıb.

Komanda.az “Sportkeeda”-ya istinadən xəbər verir ki, fransalı futbolçu Messini qələbə münasibəti ilə təbrik etdiyini deyib:

“Dünya çempionatının finalından sonra Leo ilə danışdım. Mən onu qələbə münasibətilə təbrik etdim. Onun üçün də, mənim üçün də qələbə qazanmaq həyatımızın məqsədi idi, amma bacarmadım. Buna görə də, yaxşı oyunçu olmağa davam etməliyəm”.

Argentina millisi DÇ-2022-nin final oyununda Fransanı penaltilər seriyasında 4:2 hesabı ilə məğlub edib. Qarşılaşmanın əsas vaxtı 2:2, əlavə vaxt 3:3 hesabı ilə başa çatıb. Final matçında Mbappe het-trikə, Messi dubla imza atıb.