“Mbappe başa düşməlidir ki…” – Valdano

“Real”ın sabiq baş direktoru Xorxe Valdano PSJ-nin hücumçusu Kilian Mbappenin Madrid klubuna mümkün transferi ilə bağlı fikirlərini bildirib.

Komanda.az “Marca”-ya istinadən xəbər verir ki, o, bunları deyib:

“Mbappe başa düşməlidir ki, “Real”da verilən dəyərin qarşılığını pulla deyil, şöhrətlə ödəyirlər”.

Mbappe 2017-ci ilin avqustundan PSJ-də çıxış edir. Onun Fransa klubu ilə müqaviləsi bu yay başa çatacaq. 25 yaşlı forvard 2023/24 mövsümündə 30 matçda 31 qol vurub və 7 məhsuldar ötürmə edib.