Mbappe “Barselona”ya keçmək istəyirmiş

Futbol agenti Xosep Maria Minqella fransalı hücumçu Kilian Mbappenin “Real”a yox, “Barselona”ya keçmək istədiyini xatırladıb.

Komanda.az “La Tribu”-ya istinadən xəbər verir ki, o, bunun qısa, lakin kədərli bir hekayə olduğunu bildirib:

“Mən Mbappenin 18 yaşında olanda valideynləri ilə danışdım. Mənə Neymarın gedişinə görə məmnuniyyətlə “Barselona”ya keçəcəyini söylədi. Bu barədə kluba məlumat verdim. Lakin mənə cavab verdilər ki, Osman Dembele oyun tərzi baxımından onlara daha çox yaraşacaq. Qısa, lakin kədərli bir hekayədir”.

Kilian Mbappe 2017-ci ilin yayında “Monako”nu PSJ-yə dəyişmişdi. 25 yaşlı hücumçu Fransanın paytaxtında 7 mövsüm keçirdikdən sonra bir neçə gün əvvəl “Real”a keçib.