Mbappe 80 milyon avrodan imtina edib

PSJ-nin hücumçusu Kilian Mbappe klubdan ala biləcəyi bonusdan imtina edib.

Komanda.az “RMC Sport”-a istinadən xəbər verir ki, 24 yaşlı forvard parislilərlə müqaviləyə əsasən, qazana biləcəyi 80 milyon avro mükafatı almayacaq. Bu qərarı futbolçunun özü verib. Qeyd olunur ki, Mbappe bu yolla onun üçün pulun birinci yerdə olmadığını göstərmək istəyir.

Fransalı futbolçunun PSJ ilə müqaviləsi 2023/24 mövsümünün sonuna kimidir.

Mbappe bu mövsüm bütün turnirlərdə 15 oyun keçirib və 15 qol vurub.