Maskerano ABŞ klubu ilə 3 illik müqavilə imzalayacaq

Xavyer Maskerano “İnter Mayami” ilə 3 illik müqavilə imzalayacaq.

Komanda.az xarici KİV-ə istinadən xəbər verir ki, hazırda Argentinanın gənclər komandasına rəhbərlik edən Maskerano Amerika klubunun yeni baş məşqçisi olacaq. Hər iki tərəf müqavilə danışıqlarını yekunlaşdırdığı üçün o, yaxın günlərdə “İnter Mayami”yə rəhbərlik edəcək.

Əvvəlki çalışdırıcı Xerardo Martino şəxsi səbəblərə görə “İnter Mayami”nin baş məşqçi postunu tərk edib.

Maskerano ilə “İnter Mayami”nin forvardı Lionel Messi “Barselona” və Argentina millisində birgə çıxış ediblər. “Barsa”nın digər keçmiş oyunçuları Luis Suares, Serxio Buskets və Jordi Alba da MLS klubunda forma geyinir.