“Ola bilər ki, Messi “Barselona”ya getsin” – “İnter Mayami”nin baş məşqçisi   

“İnter Mayami”nin baş məşqçisi Xerardo Martino komandanın hücumçusu Lionel Messinin qışda “Barselona”ya icarəyə verilə biləcəyi ilə bağlı yayılan xəbərlərə münasibət bildirib.

Komanda.az “Goal”-a istinadən xəbər verir ki, o, yayılan xəbərlərlə bağlı bunu söyləyib:

“O, tətilə gedir. Ola bilər ki, “Barselona”ya getsin. Mən bu barədə daha heç nə bilmirəm”.

Argentinalı hücumçunun icarə əsasında Kataloniya klubuna keçə biləcəyi ilə bağlı şayiələr “İnter Mayami” MLS-in pley-off mərhələsinə çıxmaq şansını itirdikdən sonra ortaya çıxıb.