Helikopterin yanından şəkil paylaşdı – FOTO

Argentina millisinin və “Aston Villa”nın qapıçısı Emiliano Martinez sosial şəbəkə hesabında paylaşım edib.

Komanda.az xəbər verir ki, o, Buenos-Ayresdə keçirilən çempionluq paradından sonra helikopterin qarşısında kubokla birlikdə fotosunu yayımlayıb. Martinez bu barədə belə yazıb:

“Xalqımızla gözəl bir gün. Sevginiz üçün təşəkkürlər!”

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.

Dünən Argentinanın paytaxtı Buenos-Ayresdə cənubi amerikalıların qələbəsinə həsr edilən parad keçirilib. Futbolçular tıxac səbəbindən helikopterlə paradın keçirildiyi məkandan çıxıblar.